Marful entra no templo da arte fabril galega: a Fábrica de Sargadelos.
A Fábrica poderá visitarse durante a mañá (até as 14h).

A presenza musical de Marful comezará ás 20:30h en punto e rematará ás 22h.

Ao remate, artistas e público poderán degustar unhas tapas en Cervo, ofrecidas pola S.D. Cervo-Sargadelos e a Asociación Cultural Airiños do Xunco, preludio da Festa do Porco que terá lugar ao día seguinte.

Esta actividade é posíbel grazas á colaboración do Concello de Cervo, a Fábrica de Sargadelos e grazas ao público.

Aforo limitado (40 persoas). Entrada 15 euros. Reserva de entradas no Concello de Cervo ou aquí.

Venres 27 de abril ás 21h. Entradas á venda aquí

Marful navega moitos mares. A veces dorna, a veces veleiro, agora buque e despois conserveiro, deses galegos pioneiros que inventaron o conxelado a bordo.

O paquebote Marful chega ao porto máis importante das costas europeas: VIGO.

Cidade bordeada polo mar, da que non sobresaen torres senón guindastres dos asteleiros do porto.

Cidade de almas perdidas, universais e lobos de mar. Cidade da que Marful «vuelve» no «Manual de Sedución».

O lugar non pode ser máis singular: a antiga lonxa de Vigo que se conserva íntegra no Museo do Mar. Alí será onde Marful ofreza a súa presenza musical, tocando o mellor dos seus dous discos.

Ao rematar o público está convidado a un convivio cos artistas arredor dunhas conservas gourmet, ofrecidas por Conservas de Cambados. Será na taberna «O Croque» (no propio Museo).

Unha noite para desfrutar en potencia das vistas do Museo, o olfato do Mar, a música de Marful, o gusto das Conservas e o contacto do resto dos Asistentes, porque o espazo é Íntimo e o Aforo limitado.

A entrada para esta presenza musical é de 15 euros.  As entradas poden mercarse no propio Museo.
Tamén poden reservarse na web de Marful.

Ourense, 26 de marzo de 2012.

A Xira Surreal que o grupo Marful está a levar adiante por moitos puntos da xeografía galega chega este venres á Casa dos Poetas de Celanova. Ás 21.00 horas os membros do grupo: Ugia Pedreira, Marcos Teira, Pedro Pascual e Pablo Pascual interpretarán os mellores temas do seu repertorio nun concerto moi especial no que primará a improvisación e o contacto directo co público. A actuación terá lugar na Sala da Lareira da Casa dos Poetas, un espazo que ten un aforo limitado a 40 persoas e onde o público asistente poderá degustar tamén os produtos gastronómicos máis exclusivos da zona da man da Rectoral de Ansemil.

Antonio Piñeiro, secretario da Fundación Curros Enríquez e a vocalista de Marful, Ugía Pedreira, presentaron o concerto nun acto que tivo lugar no Centro Cultural Deputación. Na súa intervención, Piñeiro amosou a súa satisfacción polo feito de que “os líderes culturais da sociedade galega empecen a ter a Casa dos Poetas coma un referente cultural para acoller as súas iniciativas” posto que un dos obxectivos da fundación “é que este espazo sexa a Casa da Cultura de todos os galegos”.

A intérprete e compositora Ugía Pedreira, pola súa banda, explicou na súa intervención que a Xira Surreal que está a levar adiante o grupo que lidera “é unha xira chea de beleza e cariño que propón un percorrido polos lugares máis paradisíacos da xeografía galega”. A finalidade da iniciativa é, segundo as súas palabras, “achegármonos ao público do país porque sempre hai público para unha boa música e sempre hai corazón para un bo sentimento”. Por iso e máis alá dos palcos, teatros e auditorios, Marful deseñou esta xira en lugares curiosos e emblemáticos onde o espazo e a intimidade permitan un achegamento maior entre os músicos e o público. Segundo a intérprete, “nesta xira eleximos aventurarnos e achegarnos á xente en lugares singulares, unindo turismo cultural e música”.

Con este caderno de bitácora, os músicos de Marful están a percorrer mosteiros, illas, muíños, conserveiras, granxas, bodegas, pazos, torres, castelos… tentando ofrecer o mellor de si en cada unha destas actuacións. Para o concerto de Celanova, o grupo preparou unha selección musical dos seus dous discos así como outras cancións entre as que non faltará o tema Unha noite na eira do trigo, a partir dun poema do celanovés Manuel Curros Enríquez e que, segundo conta Ugia, foi a nana que a acunou cando era unha nena.

As entradas xa están á venda ao prezo único de 15€. Os organizadores do concerto sinalan que o aforo da Sala da Lareira da Casa dos Poetas está limitado a un máximo de 40 persoas, polo que recomendan reservar entrada con antelación.

Fonte: www.tempodelecerourense.com

Marful chega a Celanova dentro da súa Xira Surreal

Música, Arquitectura e Petiscos Locais
desta volta preparados e ofrecidos por Javier Torcuati, da Rectoral de Ansemil
e regados con viño da zona. Alí vos agardamos!
Aforo limitado a 40 localidades. Reservas en www.marful.info

Reserva as túas entradas!

Marful en Ponteareas o 25 de febreiro de 2012

O pastel foi enviado polo sr. Pascual (pai dos irmaos Pascual) especialmente feito para Marful ese dia.

No aniversário do nosso casamento!